Morgan Freeman, aktori me famë botërore ka qëndruar këto ditë në Bosnje-Hercegovinë.

Aktori në Srebrenicë ka xhiruar një pjesë të serisë së filmave dokumentar të quajtur “The Story of Us With Morgan Freeman.

Gjatë një interviste të dhënë për mediat boshnjake, Freeman ka treguar se e di se u shpërbë shtetin Jugosllav, transmeton Telegrafi.

“E di kush keni qenë, jugosllavenë, ndërsa republikat kanë qenë së bashku, në Jugosllavi. Më pas ajo u shpërbë, dhe kështu u formuan Serbia, Kroacia, Sllovenia, Kosova, Maqedonia, Mali i Zi e Bosnja. Me aq sa di unë, me aq sa po mundem ta kuptoj”, ka thënë ndër të tjerash Freeman.

Kujtojmë se ky dokumentar do të transmetohet në televizionin “National Geographic”, ndërsa përbëhet nga gjashtë episode një orëshe.