Përkujtohet shkrimtari Rexhep Hoxha, vepra e tij ndikoi në ngritjen intelektuale të brezave të tërë

Prishtinë | 19 Sht 2019 | 12:57 | Nga Halide Rexhepi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Lidhja e Shkrimtarëve e Kosovës (LShK) ka mbajtur  akademi përkujtimore për shkrimtarin Rexhep Hoxha, raporton Ekonomia Online.

Kryetar i Lidhjes së Shkrimtarëve të Kosovës, Shqyeri Galica, tha se vepra e profesor Rexhep Hoxhës ka ndikuar në ngritjen intelektuale të brezave të tërë dhe si i tillë do të kujtohet përjetësisht nga miqtë, bashkëpunëtorët dhe lexuesit.

“Shkrimtari ynë i shquar profesor Rexhep  Hoxha u nda nga ne kur po i mbushte 9 dekada. Shkrimet e tij do të botohen në të gjitha gazetat dhe revistat shqipe më se 40 sosh. Vepra e parë do të jetë një mesazh për jetën e tij që e ngre nivelin e tij arsimor dhe intelektual. Dashuria mbi atdheun është mbi të gjitha dhe këtë e dëshmon në shumë prej veprave të tij letrare. Vepra e tij ka ndikuar në ngritjen intelektuale të brezave të tërë. Vepra e Rexhep Hoxhës do të nderohet dhe respektohet gjithmonë ndër breza dhe vepra e tij dhe personaliteti i tij do të respektohet dhe nderohet me krenari përjetë”.

Leonora Buqaj prezantoi jetën dhe veprën e shkrimtarit Rexhep Hoxha të titulluar, “Rexhep Hoxha klasiku i fundit për të rij dhe të rinj.

Buqaj u shpreh se Hoxha i takon brezit të parë të shkrimtarëve shqiptarë për fëmijë pas Luftës së Dytë Botërore.

“Rexhep Hoxha ndërroi jetë në moshën 90 vjeçare, Hoxha i takon  brezit të parë të krijimtarisë shqiptare për fëmijë pas Luftës të Dytë Botërore. Poeti Rexhep Hoxha veprën e parë e titulloi “Gjethet e reja” 66 vjet më parë”.

Shkrimtari Rexhep Hoxha ishte autor i romanit të mirënjohur për fëmijë “Lugjet e Verdha”.

Lexo më shumë:

Të ngjashme