Në Mitrovicë promovohet libri “Tinguj Çiftelie – Rapsodi” i Isa Behramit

Prishtinë | 10 Dhj 2016 | 16:12 | Nga Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Në Qendrën e Kulturës, “Rexhep Mitrovica”, para shumë studiuesve letrar, të folklorit, libërdashës dhe qytetarë, është bërë promovimi i librit “Tinguj Çiftelie – Rapsodi”, e autorit Isa Behrami.

Studiues letrash dhe folklorit, studiues nga Mitrovica dhe Instituti Albanologjik i Kosovës kanë vlerësuar librin, në të cilën janë thurë shumë vargje kushtuar betejave dhe luftërave për çlirim dhe formim të shtetit shqiptar të heroit kombëtar, Isa Boletini.

Dr. Mehmet Rukiqi, ekspert i folklorit dhe Letërsisë ka thënë se kjo ditë është e veçantë, meqë Isa po i shkruan Isës.

“Afër trimave, qëndrojnë vetëm ata që flasin, që shkruajnë, dhe këndojnë për trimat. Isa Behrami, profesori i nderuar, me këtë vepër, ka zënë një vend të sigurt afër Isa Boletinit”, ka thënë ai.

Edhe profesor Fazli Hajrizi, studiues letrat ka thënë se në veprën e autorit, Isa Behramit pasqyron në mënyrë kronologjike jeta dhe vepra e heroit kombëtar të Isa Boletinit.

“Isa Behrami, njeh gjuhën e popullit, fjalët që i përdor në këtë vepër u jap nuanca të reja kuptimore, ngjyrime të veçantë emocionale. Nga kjo vepër mund të mësojmë edhe për gjuhën, edhe për historinë”, ka theksuar ai.

Rapsodia “Tinguj çiftelie” është ndërtuar në frymën e folklorit, përkatësisht në stilin e këngëve popullore, bazuar në fakte historike që dalin nga biografët e Isa Boletinit.

Prof. Dr. Adem Zejnullahu, ekspert i folklorit në Institutin Albanologjik të Kosovës. Si njohës i mirë i figurës së Isa Bioletinit dhe recensues i këtij libri ka thënë se në veprën e Isa Behramit janë paraqitur të gjitha format e kundërshtimeve të Isa Boletinit me sulltanët dhe krajlat e ndryshëm.

“Tinguj çiftelie – rapsodi e Isa Behramit është krijuar kryesisht në dialektin e veriut, në një gegërishte që është fare e afërt me gjuhën e këngëve epike historike. Vepra përmban shumë sintakso stilema karakteristike për poezinë popullore të Veriut. Ajo në aspektin gjuhësor dhe, përgjithësisht, në karakteristikat e gjuhës figurative, ka ngjashmëri edhe me veprën e famshme të Gjergj Fishtës “ Lahuta e Malësisë”, shkruan Zejnullahu, i cili është njëri ndër ekspertet më të njohur të folklorit.

Këtë libër e ka vlerësuar edhe recensuesi tjetër, Prof. Dr. Sadri Fetiu, njohës i folklorit në Institutin Albanologjik si dhe Asllan Istrefi dhe shumë personalitete që kanë ardhur në këtë promovim.

Për librin ka folur shkurt edhe Mulla Asllan Murati, i cili ka ruajtur për shumë kohë eshtrat e heroit, Isa Boletini.

Ne emër të familjës Boletini, ka folur edhe Gazmend Boletini, i cili ka falënderuar Isa Behramin për këtë vepër. “Ditën kur ka ardh Isa Behrami në Boletin, me ka lën shumë përshtypje modestia e tij. E kam pa që Isa Boletin e mban në shpirt. Shpresoj që në të ardhmen do të bashkëpunojmë në projekte tjera”, ka thënë Boletini.

Ne emër të autorit Isa Behrami, ka folur vajza e tij, Dardanie Behrami, e cila ka falënderuar gjithë të pranishmit për pjesëmarrje dhe profesorët Zejnullahu dhe Fetiu që me përkushtim kanë punuar në këtë vepër.

isa-behrami1

Të ngjashme