Në ambientet e Bibliotekës Kombëtare të Kosovës “Pjetër Bogdani” është bërë hapja solemne e Zyrës së Sekretariatit për nder të shënimit të vitit mbarë kombëtar të heroit Gjergj Kastriotit-Skënderbeut.
Me këtë rast, ministri i Kulturës, Kujtim Gashi tha se hapja e Zyrës së Sekretariatit u bë në kuadër të përgatitjeve që po bën Qeveria e Kosovës për shënimin e vitit mbarë kombëtar të heroit Gjergj Kastriotit-Skënderbeut.
Ai po ashtu njoftoi se Këshilli Organizativ së shpejti do të bëjë publike agjendën shtetërore në të cilën do të jenë të përfshira të dy Qeveritë, ajo e Kosovës dhe e Shqipërisë.