Aleanca Kosovare e Bizneseve dhe Agro-Kosova Holding kanë organizuar aktivitetin “Dita e Qershisë”

Prishtinë | 25 Qer 2021 | 19:05 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Aleanca Kosovare e Bizneseve (AKB) dhe AgroKosova Holding kanë organizuar aktivitetin “Dita e Qershisë”, ku është bërë kultivimi i Qershisë nga Agro Biznes Holding.

Me këtë rast është bërë edhe hapja e festës “Dita e Qershisë” e cila pritet të bëhet edhe tradicionale.

Ministri i MBPZHR, Faton Peci ka thënë se qershia është sinonim i fatbardhësisë dhe se Suhareka dhe Kosova kanë fatin e bardhë që kanë personalitete dhe biznese të tilla që kanë arritur të konsolidojnë bizneset e tyre në storie suksesi.

“Me kënaqësi të madhe kam pranuar ftesën për këtë event për herë parë për Ditën e Qershisë, nga një biznesmen dhe një operator ekonomik i cili është storie e suksesit në fushën e agrobiznesit. Thonë se qershia është sinonim i fatbardhësisë dhe mendoj se Suhareka dhe Kosova kanë fatin e bardhë që kanë personalitete dhe biznese të tilla që kanë arritur të konsolidojnë bizneset e tyre në storie suksesi, rrjedhimisht të kontribuojnë në ekonominë e vendit, ekonominë e Suharekës dhe ekonominë e Kosovës.

Si ministër i qeverisë së Republikës së Kosovës vlerësoj që angazhimi dhe përkushtimi jonë do të jetë maksimal që hartimi i politikave tona programore, avancimi i legjislacionit i cili fatkeqësisht ka ngecë në nivel institucional për të lehtësuar krijimin e tregjeve të reja për bujqit, ndërmarrësit, dhe tregtarët tonë, do të jetë në mesin e prioriteteve kryesore.

 “Bashkëbisedimi me këta përfaqësues siç është Hazizi, neve na kontribuon dhe jemi të interesuar që në të gjitha fazat të jemi pjesë e bashkëbisedimit sepse këta janë ata që më së miri se cilat janë masat lehtësuese”, tha ai.

Ndërsa kryetari i AKB-së, Agim Shahini e ka konsideruar këtë biznes si model për rajonin.

Shahini ka thënë se Agro-Kosova me 20 hektarë tokë që i ka dhënë tregut 350 ton Qershi është një ofertë serioze për ekonominë e vendit.

“Ky kompleks është bërë model në Kosovë dhe më larg. Kemi shumë arsye pse e kemi quajtur këtë ditë kështu dhe në vazhdimësi kemi pas mbështetjen e kryetarit të komunës së Suharekës. Kemi vendosur që ky aktivitet të bëhet tradicional dhe në vitet e ardhshme do të jetë festë e madhe dhe do të japim një mesazh të qartë që qershia është një kulturë me përfitime të mëdha. Kompleksi AgroKosova ka rreth 20 hektarë e që në treg i ka ofruar Kosovës rreth 350 ton qershi me cilësi të lartë që është një ofertë për konsumatorin tonë, për shtetin dhe për biznesin e fermerët që merren me këtë punë”, është shprehur ai.

Ai ka ftuar Qeverinë e ministrinë që të rrit subvencionet për bizneset që merren me agrobiznes.

Pronari i kompanisë AgroKosova Holding, Haziz Tafaj ka treguar se tri vitet e fundit kanë shënuar rezultat të lartë për kultivimin e Qershisë me cilësi e sasi të lartë.

Ai poashtu ka njoftuar se biznesi i tij ka të punësuar 100 gra e vajza si dhe 100 burra.

Sipas Tafajt kultivimi i qershisë do të jap kontribut të jashtëzakonshëm në rritjen e mirëqenies së qytetarëve të kësaj komune.

“Dita e Qershisë” do të bëhet festë tradicionale. Arsyeja e organizimit është që kultivimi i Qershisë nga ana e ndërmarrjes sonë në dy tri vitet e fundit ka dhënë rezultate të jashtëzakonshme si në kultivimin e sasisë ashtu edhe në atë të cilësisë. Kultivimi i qershisë ka me dhënë një kontribut të jashtëzakonshëm në rritjen e mirëqenies të qytetarëve tanë. Qysh tani i kemi rreth 100 gra e vajza dhe 100 burra të cilët kanë punuar tradicionalisht. Rezultati i mirë i këtij prodhimi me një kualitet të lartë të cilësisë që në treg është më e larta në regjion na jep kurajë që të vazhdojmë këtë investim”, është shprehur ai.

E kryetari i Komunës së Suharekës, Bali Muharremaj e ka përgëzuar për punën që po bën zotëri Tafaj, dhe ka treguar se shumë shpejt do të nis edhe Festa e Luleve.

“Ftoj bujqit e Komunës së Suharekës që me fillu me kultivu qershi” është shprehur ai.

Ai gjithashtu ka kërkuar nga ministri ti ndihmojë bizneset me subvencione.

Të ngjashme