Bajrami: Mjedisi i biznesit po përmirësohet, 30 vende më mirë

Prishtinë | 17 Kor 2016 | 11:22 | Nga

Ministrja e Tregtisë dhe Industrisë, Hykmete Bajrami, ka thënë se ambienti për bizneset po përmirësohet ndërsa Banka Botërore ka publikuar të dhëna që tregojnë se Kosova ka shënuar përmirësim në të bërit biznes.

Prej vendit të 73 e ka klasifikuar në vendin e 43. Shteti kosovar ka shënuar përmirësim për 30 vende.

“Kosova shënon progres substancial në “Indikatorët e Qeverisjes Rregulatore” të matur nga Banka Botërore. Vlerësimi bëhet në bazës te ‘notës’. Vitin e kaluar Kosova është vlerësuar me notën 2.6, ndërsa ketë vit kjo notë është rritur në 4.6 (6 është nota maksimale). Nëse do të përkthejmë rritjen e notës në rangim, mund të konkludohet se Kosova ka pasur një rritje prej afër 30 vendeve në rangim duke u ngritur nga vendi 73 në vendin 43 në botë, nga gjithsej 187 shtete sa janë pjesë e këtij vlerësimi nga Banka Botërore”, ka shkruar Bajrami.

“Qëllimi i këtyre Indikatorëve është matja e efektivitetit te komunikimit dhe konsultimit te Qeverive me publikun gjatë hartimit te rregulloreve (legjislacionit) që kanë ndikim në komunitetin e biznesit. Gjithashtu këta indikatorë vlerësojnë se deri në çfarë masë Qeveria bën vlerësimin e ndikimit (duke përfshirë ndikimin ekonomik, social dhe mjedisor) te rregulloreve (legjislacionit) para miratimit te tyre. Përfundimisht, Indikatorët e Qeverisjes Rregulatore gjithashtu vlerësojnë parashikueshmërinë (stabilitetin) e kornizës ligjore dhe rregullatore: aftesinë e qytetarëve, bizneseve e të tjerëve për kundërshtimin e rregulloreve si dhe mundësinë që qytetarët dhe bizneset te kenë qasje në të gjitha ligjet dhe rregulloret në fuqi në një vend. Për informata më të hollsishme: http://rulemaking.worldbank.org/data/explorecountries/kosovo”, ka shtuar ajo.

Të ngjashme