Bajrami: Gjatë javës do t’i ekzekutojmë mjetet bazuar në Pakon Emergjente

Prishtinë | 08 Gus 2020 | 18:29 | Nga Ekonomia Online

Ministrja e Financave, Hykmete Bajrami, ka konfirmuar se  nga e hëna do të nisë transferimi i parave për qytetarët  dhe bizneset në llogaritë e tyre.

Ajo ka thënë se gjatë javës do të ekzekutohen të gjitha pagesat bazuar në Pakon Emergjente.

Postimi i plotë i saj:

Ministria e Financave nga e hëna do të nisë ekzekutimin e pagesave për qytetarët dhe bizneset për muajt e papaguar

Në Ministrinë e Financave po punohet pa orar. Thesari dhe Departamenti i Buxhetit po bëjnë të gjitha përgatitjet që nga e hëna të fillojnë ekzekutimin e pagesave nga Pakoja Emergjente për qytetarët dhe bizneset.

Javën që po vjen do t’i ekzekutojmë të gjitha mjetet për muajt e papaguar bazuar në Pakon Emergjente.

Ju kërkojmë falje qytetarëve dhe bizneseve për vonesat pasi ishte pamundshme të kryheshin pagesat pa u rishikuar buxheti.

Falënderoj stafin e Ministrisë së Financave, të cilët po punojnë pa orar dhe kanë punuar gjithë kohën e pandemisë duke vënë edhe shëndetin në rrezik. Disa punëtorë të Ministrisë kanë rezultuar pozitiv me virus dhe ju urojmë shërim të shpejtë!

Të ngjashme