Ministri i Financave dhe Transfereve (MFT), Besnik Bislimi, ka paralajmëruar masa shtesë në ndihmën të bizneseve, pas ndalesave që janë bërë si masa parandaluese ndaj Coronavirusit.
Bislimi në një intervistë për Ekonomia Online, ka sqaruar se kanë kontaktuar edhe me mekanizmat financiare ndërkombëtare për gjetjen e fondeve në mënyrë që prodhuesve vendës t’i dalim në ndihmë menjëherë pas krizës.
“Ne si ministri të Financave kemi marrë një sërë masash që targetojnë biznesin, kemi shty raportimet financiare, kemi shtyrë raportimet tatimore, raportimet e rregullta vjetore, disa sosh deri në fund të majit, disa sosh deri në fund të prillit dhe poashtu kemi njoftuar komitetin e biznesit që jemi duke punuar intensivisht edhe me mekanizmat financiare ndërkombëtare për gjetjen e fondeve të mjaftueshëm në mënyrë që ekonomisë te prodhuesit vendor t’i dalim në ndihmë menjëherë pas krizës me ato që ka nevojë më së shumti, me likuiditet, mirëpo edhe me kredi të subvencionuara ose pa kamatë për të gjithë ato biznese të cilat kanë nevojë për kredi shtesë për blerje të lëndës së parë, për eksportim apo për zgjerim të kapaciteteve prodhuese”, u shpreh Bislimi.
Kreu i MFT-së, ka thënë se të hënën do të fillohet me shpërndarjen e ndihmave sociale për dy muaj.
“Jemi duke dizajnuar masat të cilat sigurojnë deri në masë të madhe edhe mbajtjen në nivel të kërkesës agrgate, që të hënën do të fillojmë me shpërndarjen e ndihmave sociale. Kemi marrë vendim që të shpërndahen në të njëjtën kohë dy muaj të ndihmave sociale për arsye se kjo kategori e shoqërisë ka qenë më e atakuara nga ngritjet e pakontrolluara të çmimeve andaj edhe kemi konstatuar nevojën për intervenim emergjent te kjo kategori”.
Ministria është duke shikuar mundësinë edhe për masa tjera për pagesën e pagave në disa sektorë sidomos ata që janë atakuar drejtpërdrejt nga vendimet e Qeverisë.
“Por, do dizajnojmë masa të cilat adresojnë emergjencat qoftë në mundësinë për pagesën e pagave në disa sektorë sidomos ata që janë atakuar drejtpërdrejt nga vendimet tona, por edhe te ata të cilët në mënyrë indirekte atakohen. Nëse ne mbyllim një restorant ka mundësi që restoranti ballafaqohet me vështirësi edhe në pagesën e qirasë, duhet me dizajnuar edhe masë emergjente pak a shumë që një pjesë të kësaj qiraje e mbulon përmes fondit emergjent”, tregoi ai.
Ai ka thënë se është ende herët për të konstatuar se çfarë impakti ka pasur në buxhet, gjendja e krijuar në vend me Coronavirus.
Bislimi në një intervistë për Ekonomia Online, tha se buxheti nuk ka qenë i ndikuar në masë të madhe, raporton EO.
“Tash është relativisht herët me pas mundësi me konstatuar për impaktin që ka pasur në buxhet, për arsye se pjesa më e madhe që siguron të hyrat që është doganat edhe tregtia nuk ka shënuar ngecje. Kështu deri tani mundem me thënë që buxheti nuk ka qenë i ndikuar në masë të madhe, pra po them edhe për arsye të faktit që masat e ashpërsuara që ka marrë qeveria në përballje me virusin Corona, ka një kohëzgjatje prej vetëm një javë. Është shumë herët me pa se si do të ndikohet buxheti”, tha Bislimi
Sipas Bislimit, nëse masat e ndërmarra në përballje me Coronavirus zgjaten do të ketë rënie të të hyrave, por që nuk parasheh që të mos arrihet rritja ekonomike prej 4.2 %
“Mirëpo, nëse këto masa zgjaten, atëherë me siguri se do ketë ndikim në të dy anët e buxhetit, do të ketë rënie të hyrave për shkak se ndikimi i masave në ekonomi bartet..pasojat barten edhe në muajt vijues. Ndërkaq kërkesat për shpenzime shtesë në buxhet rriten në vazhdimësi. Kështu që, do të ketë një hendek për gjatë vitit, mirëpo për momentin e kemi të pamundur me vlerësuar me saktësi se sa ka me qenë ky hendek”, u shpreh ai.
“Deri më tani masat e reduktuara të qeverisë nuk kanë zgjatur as 7 ditë, varësisht nga magnituda e ndikimit në ekonomi edhe zgjatjes së këtyre masave mundem me konstatuar edhe për përmasat në të cilat kjo situatë ka me ndikuar në rritjen ekonomike. Ky nuk është fenomen i Kosovës, mundem me ju thënë me siguri të plotë që ndikimi në ekonominë tonë ka me qenë më i vogël se në një ekonomi normale në Bashkimin Evropian, qoftë edhe për shkak ndoshta të natyrës së ekonomisë që kemi ne. Deri më tani, ndikimi në ekonomi është dukshëm më i vogël se 1 për qind të GDP-së. Edhe një ndikim i tillë shumë lehtë rikuperohet në periudhat shtesë, në qoftë se ne arrijmë si Qeveri të dizajnojmë një pako të targetuar mirë, që mbron prodhuesit vendor”, theksoi ai.
Në lidhje me ankesat e qytetarëve për ngritje të çmimeve, Bislimi thotë për Ekonomia Online se vërejtjet janë te sektori i farmaceotik, ku sipas tij, ka pasur biznese që e kanë keqpërdorur situatën.
” Vërejtjet janë të limituara në dy komponentë është sektori i farmacive ku ka pasur dele të zeza të cilat e kanë keqpërdorur mirëpo duhet me thanë që jo gjithherë fajtor janë farmacitë. Ka pasur raste që edhe kompanitë që furnizojnë farmacitë me produkte të caktuara si p.sh: alkooli apo dezinfektuesit ose vitaminën C e kanë keqpërdorur situatën dhe kanë ofertuar tek farmacitë me çmime më të larta, duke detyruar pastaj edhe farmacitë të ndjekin të njëjtin ritëm dhe disa sektorë të tregtisë me pakicë të cilët e kanë shfrytëzuar situatën për ngritje të çmimeve”, theksoi ai.
Vërejtje më të mëdha, Bislimi thotë të ketë edhe për veprimtarinë e mullinjve, të cilët kanë përhapur panik pa pasur nevojë dhe kanë fshehur stoqet.
“Më duhet të them se unë personalisht kam vërejtje shumë të madhe edhe në veprimtarinë e mullinjve të cilët si duket kanë përhapur panik pa nevojë dhe kanë fsheh stoqet e tyre dhe unë kam kërkuar nga ministria e Ekonomisë që të jetë shumë më rigoroze në inspektimin dhe invertarizimin e stoqeve të këtyre mullinjve për arsye se masë e madhe e panikut është shkaktuar nga mungesa e miellit”, tregoi ai.
“Jemi duke dizajnuar masat të cilat sigurojnë deri në masë të madhe edhe mbajtjen në nivel të kërkesës agregate, që të hënën do të fillojmë me shpërndarjen e ndihmave sociale. Kemi marrë vendim që të shpërndahen në të njëjtën kohë dy muaj të ndihmave sociale për arsye se kjo kategori e shoqërisë ka qenë më e atakuara nga ngritjet e pakontrolluara të çmimeve andaj edhe kemi konstatuar nevojën për intervenim emergjent te kjo kategori”.
Bislimi ndër të tjera, tha se për shkak të gjendjes së krijuar në rast se MSh-ja konstaton se ka nevojë për mjete shtesë, si Qeveri janë të obliguar të qëndrojnë mbrapa.
“Ministria e Shëndetësisë në pakon për intervenim emergjent për masa emergjente ka parapa 10 milionë e 13 mijë euro. Në të njëjtën kohë këto mjete janë siguruar, ne kemi negociuar me Bankën Botërore që një pjesë e rezidualit apo pjesës së mbetur të kredisë së Bankës Botërore në masën e 3.2 milionë euro të mund të përdoret për nevoja emergjente të sistemit shëndetësor”.
“Po, ashtu jemi në bisedime me Bankën Botërore për një dritare shtesë financimi, kryesisht kredi prej 7.9 milionë dollarë që prapë do t’i shkonte Ministrisë së Shëndetësisë. Por, në rast se Ministria e Shëndetësisë, konstaton që ka nevojë për mjete shtesë, ne si qeveri jemi të obliguar të rrimë mbrapa vendimeve që kemi marrë”, theksoi ai.
LEXONI EDHE:
Video
Video
Video
Video
Video
