Coronavirusi, OEK-u me task-forcë për të monitoruar bizneset për ngritjen e çmimeve

Prishtinë | 12 Mar 2020 | 14:38 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Odës Ekonomike të Kosovës (OEK) Berat Rukiqi në një konferencë për media ka treguar për masat që i kanë marrë kundër Coronavirusit, raporton Ekonomia Online.

Ai tha se do të krijohet një task-forcë brenda OEK-ut për të përcjell bizneset që ngrisin çmimet.

“Do ta krijojmë edhe një task-forcë. Kemi kërkuar që bizneset që shohin biznese të tjera për ngritje të çmimeve ta raportojnë këtë, bizneset serioze nuk e bëjnë, por nëse ka do të ketë ndjekje penale”.

Rukiqi u shpreh se nuk kanë vërejtur problem me furnizim me produkte ushqimore.

“Ne bazë të informatave qe e kemi nuk ka ndonjë problem për një rast të caktuar ende vazhdon ardhja e produkteve, kanë shumë vonesa në kontrollet doganore, në porte mirëpo kjo tani nuk po shfaqet në problem në furnizim”.

Rukiqi shtoi se nëse vendosen kufizime në eksport shteti duhet ketë plan se si të veprojë, raporton EO.

“Unë uroj që vendet e tjera të mos vendosin kufizime në eksport, nuk kam dëgjuar masa që dikush ka vendos kufizime të mallrave”.

“Edhe pse mund të ketë tek gruri duhet me ditë sa kemi rezerva shtetërore dhe dihet të veprohet sipas nevojës, asnjë kompani e vetme nuk po raporton për probleme”.

Sipas tij, vendimi i Qeverisë për lirim nga puna të njëri prind është duke u respektuar.

“Për lirimin nga puna të njërit prind tha se unë ju bëra thirrje, por dua të ju them të gjitha institucioneve të organizohen ekipet e punës, dhe me sapo shohim deri tash është duke i respektuar”.

Të ngjashme