Fillon shpërndarja e asistencës sociale

Prishtinë | 22 Maj 2020 | 08:07 | Nga Ekonomia Online

Sot do të fillojë me shpërndarjen e Asistencës Sociale, siç ka kërkuar Ministria e Financave dhe Transfereve për muajin maj 2020.

Posta e Kosovës përmes një njoftimi ka thënë se prej sot, më datë 22.05.2020, nga ora 11:00, do të fillojë me shpërndarjen e Asistencës Sociale, siç ka kërkuar Ministria e Financave dhe Transfereve për muajin maj 2020.

Mjetet financiare mund t’i tërhiqni si zakonisht në sportelet e Postës së Kosovës në të gjitha komunat.

“Kërkojmë mirëkuptimin tuaj që gjatë tërheqjes së mjeteve të respektoni rregullat e distancës fizike, dhe të merren masat mbrojtëse, sipas specifikave të Institutit të Shëndetit Publik të Kosovës”, thuhet në njoftimin e tyre.

Të ngjashme