Pronari i kompanisë “Frutex”, Shaqir Palushi ka deklaruar se janë të gatshëm të paguajnë 50% më shtrenjtë rrymën nëse nuk u ndalet.

Sipas tij, po u rrezikohen të gjitha linjat e prodhimit duke u rrezikuar seriozisht humbja e tregjeve të jashtme.

Ai ka bërë të ditur se për shka ktë mungesë së rrymës, do të pamundësohet të grumbullohen 4 milionë kg mollë nga fermerët.

Postimi i plotë:

Kërkesë nga Kompania Frutex drejtuar KEDS

Për shkak të problemeve  me furnizim me energji si pasoj e kapaciteteve prodhuese të KEK-ut dhe rritjes së çmimit të energjisë elektrike në tregun ndërkombëtar, ne jemi të gateshëm që  të paguajmë 50 % me çmim më të lartë për energjinë e shpenzuar, me kusht që mos të ketë ndërprerje, pasiqë ndërprerjet e shumta përveç që rrezikojnë linjat prodhuese ato janë bërë edhe problem në përmbushjen e  kërkesave për eksport duke u  rrezikuar seriozisht humbja e tregjeve të jashtme.

Gjithashtu për shkak te mungese së energjisë elektrike nuk mund të aktivizohet linja e përpunimit të frutave duke pamundësuar që të grumbullohen 4 milionë kg mollë nga fermerët sa kemi paraparë për këtë vit.

Kompania Frutex gjatë ditës do ta përgatis edhe kërkesën zyrtare për KEDS dhe shpresojmë të arrijmë në një  marrëveshje.