Hiqet taksa për importin e pajisjeve mjekësore në BE

Prishtinë | 03 Pri 2020 | 21:41 | Nga Ekonomia Online

Brukseli thotë se detyrimet doganore dhe TVSh-ja në importin e pajisjeve nga shtetet jo BE do të hiqet për të paktën gjashtë muaj, për ta bërë më të lehtë financiarisht shteteve anëtare luftën kundër pandemisë.

Masat aplikohen për maska, pajisje mbrojtëse, kuti testimi, respiratorë dhe pajisje tjera mjekësore, thuhet në deklaratën e Komisionit Evropian.

Presidentja e Komisionit Ursula von der Leyen tha në një video masa është “kontributi i bllokut për të lehtësuar presionin mbi çmimet e pajisjeve mjekësore dhe mbrojtëse dhe t’i bëjë ato më të përballueshme”.

“Në Itali, taksat doganore prej 12 përqind dhe taksa e vlerës së shtuar prej 22 përqind vendoset në disa maska ​​për fytyrën ose rrobat mbrojtëse që ne importojmë nga vende si Kina. Vendimi ynë do t’i bëjë ato një të tretën më të lirë. Për respiratorët, niveli mesatar i taksës së vlerës së shtuar është 20 për qind”, tha ajo.

Masa e përkohshme do të zbatohet për të paktën gjashtë muaj por mund të zgjatet nëse është e nevojshme.

Të ngjashme