12 këshilla “të mëdha” për biznesin e vogël

Prishtinë | 24 Kor 2019 | 04:14 | Nga Ekonomia Online

Në Dreamforce 2018, të pranishmëve iu kërkua të ndajnë këshillat më thelbësore për pronarët e bizneseve të vegjël. Gjatë katër ditëve u thanë mbi 1000 këshilla.

Në këtë artikull, ju sjellim vetëm 12 prej tyre.

Çdo udhëtim fillon me një hap – sigurohuni që të keni këpucë e duhura për të shkuar larg”

Nisja e një biznesi të vogël përfshin shumë vendime të rëndësishme, të mëdha dhe të vogla. Zgjedhjet që bëni sot mund të ndikojnë në biznesin tuaj për vitet që vijnë, prandaj është e rëndësishme që të keni një fillim solid dhe të vendosni biznesin tuaj në rrugën e suksesit.

Mos mendoni të vloni oqeanin – mendoni dhe veproni shpejt”

Mos lejoni që të mbingarkoheni nga kompleksiteti ose të paralizoheni nga kërkesa për përsosmëri – mbajini gjërat sa më të thjeshta kur dhe ku mundeni.

Besojini instinktin tuaj – mund ta dijë se cili do të jetë trendi i ardhshëm i industrisë!”

Drejtimi i një biznesi të vogël është i frikshëm, por ju po e bëni këtë. Ju jeni kapiteni i anijes, prandaj besoni që po ecni në drejtimin e duhur.

Ëndrroni për gjëra të mëdha, por mos harroni t’i hidhni hapat një nga një për të ardhmen. Planifikimi është mjeti juaj më i mirë për të siguruar sukses të vazhdueshëm“

Është mirë të keni një vizion se ku dëshironi që kompania juaj të shkojë. Por është edhe më e rëndësishme që të planifikoni përpara, në mënyrë që vendimet që merrni sot të mos ju kufizojnë në të nesërmen.

Jini të hapur ndaj rrugëtimit pa qenë shumë të ngurtë për rezultatin”

Drejtimi i një biznesi të vogël është një aventurë e paparashikueshme. Fleksibiliteti është një nga mjetet më të mira të sipërmarrësit për tejkalimin e vështirësive të papritura.

Një punonjës i shkëlqyer është më i mirë se 10 punonjës të këqinj”

Punonjësit janë pasuria juaj më e madhe. Punësimi (dhe pastaj dëgjimi dhe besimi) i njerëzve të duhur është një nga hapat më të rëndësishëm të suksesit.

Dëgjoni. Dëgjoni. Ju keni dy veshë dhe një gojë. Përdorini ato në këtë raport”

Detajet (dhe komunikimi i mirë) kanë rëndësi. Askush nuk di gjithçka, mësoni të bashkëpunoni dhe të komunikoni siç duhet me punonjësit dhe klientët tuaj.

“Njihni stastikat tuaja, por njihni klientët tuaj më mirë!”

Konsumatorët janë oksigjeni i çdo biznesi, sidomos për bizneset e vogla. Trajtimi i tyre si duhet dhe dhënia e një arsye për t’u kthyer është kritike.

“Nëse mendoni se është e mundur apo jo, keni të drejtë!”

Elvis këndoi më së miri – “Vetëm më të fortët mbijetojnë”. Kur sipërmarrja bëhet e vështirë, sipërmarrësit e një biznesi të vogël të suksesshëm bëhen më energjikë për të ecur përpara.

Punoni për një kompani për të cilën jeni krenar”

Sapo të keni punësuar punonjësit më të mirë ju duhet t’i trajtoni ata në mënyrën më të mirë të mundshme që të qëndrojnë me ju. Lëvizjet e vazhdueshme të punonjësve mund të dobësojnë edhe biznesin më të fortë.

Bëni atë që thoni se do të bëni!”

Çfarë përfaqëson kompania juaj? Nëse nuk qëndroni për atë që përfaqëson, ka gjasa që nuk do të jetë vërdallë për shumë kohë.

Ju keni për të jetuar vetëm një jetë. Çfarë është e rëndësishme për ju? “

Ekziston vetën një si JU! Është e pamundur të krijoni dhe të udhëhiqni një kompani të suksesshme nëse nuk funksionon 100%. Jini të mirë për veten tuaj, në mënyrë që të jeni gati për të shijuar frutet e punës tuaj.

Të ngjashme