5 veprime para se të kërkoni një ngritje rroge

Prishtinë | 10 Tet 2019 | 19:00 | Nga Ekonomia Online

Të gjitha gratë duhet të ndihen të fuqishme dhe të sigurt kur kërkojnë një ngritje rroge, por më parë hidhini një sy këtyre këshillave.

Të gjithë kanë të drejtë të bëjnë përparim më punë dhe të kërkojnë një rritje të karrierën e tyre. Shpesh femrat janë të paragjykuara në punë duke u vlerësuar më pak në krahasim me meshkujt edhe pse mund të bëhet fjalë për të njëjtën punë.

Madje në disa raste femrat janë më pak të vlerësuar me kolegët e tyre meshkuj edhe kur bëjnë më shumë punë.

Disa ekspertë të karrierës kanë dhënë 5 këshilla që duhet të bëni paraprakisht përpara se të kërkoni një takim me shefin tuaj për një rritje në detyrë.

1. Merrni më shumë përgjegjësi – Para se të kërkoni një ngritje, duhet ta fitoni atë, prandaj në muajt që vijnë deri në shqyrtimin tuaj, filloni të merrni më shumë përgjegjësi në zyrë. Bëhuni vullnetar për të udhëhequr një projekt, për të marrë pjesë në një konferencë dhe për të sjellë njohuri të specializuara, ose për të gjetur një zgjidhje për një problem në ekip etj.

2. Bashkohuni në diskutime – Kur merrni pjesë në mbledhje, takime apo diskutime të ndryshme me eprorët apo kolegët tuaj, sigurohuni që të flisni ose të kontribuoni më shumë. Kjo do ju bëjë të mësoni më shumë prej tyre, të prezantoni më mirë veten tuaj para tyre si dhe të krijoni lidhjet e duhura.

3. Vlerësojeni vetveten – Ndërkohë që po bëni gjithë këtë punë të mrekullueshme, mbani shënim të gjitha arritjet tuaja, email-et që lavdërojnë punën tuaj, fitoret e arritura dhe çdo gjë tjetër që ka të bëjë më arritjet tuaja profesionale. Është e rëndësishme të njihni vlerën tuaj. Përdorni listën tuaj si një inspirim për të biseduar vetë me mbikëqyrësin tuaj, pasi shefi juaj nuk mund të jetë i vetëdijshëm për të gjithë të mirat që po bëni.

4. Bëni saktë llogaritë – Kur kërkoni një rritje rrogë, qëndroni të arsyeshëm në atë që kërkoni. Sigurohuni që vlera ka kuptim brenda kompanisë dhe departamentit tuaj. Gjithashtu edhe pozicioni, koha e shpenzuar, kualifikimet profesionale duhet të jenë brenda vlerave që kërkohet nga kompania.

5. Praktika ju bën të përsosur – Praktikoni atë që do të thoni para takimit me shefin tuaj. Mësoni si të nisni një bisedë, si të paraqisni siç duhet arritjet tuaja dhe si të shprehni saktë kërkesat që keni.

Fjalë Kryesore:

Të ngjashme