Kurti – Rukiqi diskutojnë për bashkëpunimin ndërinstitucional dhe fuqizimin e sektorit privat

Prishtinë | 26 Shk 2020 | 13:24 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryeministri i Kosovës, Albin Kurti, ka pritur në një takim një delegacion të Odës Ekonomike të Kosovës, të kryesuar nga kryetari Berat Rukiqi.

Mediet janë lejuar të marrin vetëm pamje. Por, sipas një njoftimi të lëshuar pas takimit, Kurti dhe Rukiqi diskutuan për bashkëpunimin ndërinstitucional dhe fuqizimin e dialogut publik-privat në funksion të fuqizimit të sektorit privat.

Ndër të tjera, kryetari Rukiqi prezantoi prioritetet e OEK-ut dhe kërkesat specifike të anëtarëve për temat në vijim: Sundimi i ligjit; eksportet; investimet; fuqizimi i rolit të Odës Ekonomike; prodhimet vendore; informaliteti; edukimi dhe punësimi; politikat fiskale; prokurimi publik; marrëdhëniet tregtare rajonale dhe digjitalizimi.

Nga ana e tij, kryeministri Kurti theksoi rëndësinë e vazhdimit të bashkëpunimit me OEK-un, në avancimin e agjendës zhvillimore të vendit.

Lexo më shumë:

Të ngjashme