LIDL – Gjiganti global i shitjeve me pakicë do të investojë në Kosovë

Prishtinë | 02 Qer 2022 | 16:48 | Nga Ekonomia Online

Gjiganti global i shitjes me pakicë, kompania LIDL, pritet që të investojë në Kosovë.

Këtë e ka bërë të ditur kryetari i Odës Ekonomike të Kosovës, Berat Rukiqi, në një postim në facebook, në të cilin thotë se ky është një lajm shumë i mirë për ekonominë e vendit dhe prodhuesit vendor.

Sipas Rukiqit, pas ardhjes së kompanisë Lidl në Kosovë, prodhimet vendore, jo vetëm qe do të shiten në rrjetin e tyre në Kosovë “Lidl Kosova”, por edhe do të eksportohen përmes rrjeteve të tyre, në vendet e tjera të botës.

“Përfaqësuesit e kompanisë LIDL, mbetën të impresionuar me suksesin e Kosovës, në rindërtim dhe shtetndërtim, me modernizimin e sektorit privat dhe cilësinë e prodhimeve “Made in Kosova””, ka shkruar Rukiqi.

Të ngjashme