Lluka paralajmëron llogari për kompanitë “Drini i Bardhë” e “Hidroregjioni Jugor”, pas gjetjeve të Auditorit

Prishtinë | 10 Kor 2019 | 15:58 | Nga Ekonomia Online

Ministri i Zhvillimit Ekonomik, Valdrin Lluka, përmes një postimi në Facebook ka shkruar se të gjeturat e Auditorit të Përgjithshëm për kompaninë rajonale të ujitjes “Drini i Bardhë” dhe kompaninë rajonale të ujësjellësit “Hidroregjioni Jugor” janë shqetësuese, të papranueshme dhe në kundërshtim me politikat e ministrisë që udhëheqë.

Ai ka paralajmëruar llogaridhënie në bazë të gjeturave.

Postimi i plotë:

Të gjeturat e Auditorit të Përgjithshëm për kompaninë rajonale të ujitjes “Drini i Bardhë” dhe kompaninë rajonale të ujësjellësit “Hidroregjioni Jugor” janë shqetësuese, të papranueshme dhe në kundërshtim me politikat e ministrisë që udhëheqë, rrjedhimisht do të kërkohet llogaridhënie.

Gjatë 2 viteve të fundit kam bazuar punën e Ministrisë mbi dy parime bazë: llogaridhënie dhe transparencë, si vlera bazë për ndërtimin e një sistemi demokratik dhe qeverisjeje efektive. Kjo kërkohet pa përjashtim për të gjitha organizatat dhe entitetet nën mbikëqyrjen e Ministrisë së zhvillimit Ekonomik.

Të gjeturat e Auditorit të Përgjithshëm për vitin 2018 për këto dy ndërmarrjet publike [“Drini i Bardhë” dhe “Hidroregjioni Jugor”] kanë nxjerr në pah menaxhim jo adekuat dhe kontroll të dobët financiar me këto asete publike. Dështimi zingjirorë, Bord i Drejtorëve, Komitet i Auditimit dhe Menaxhment, është i papranueshëm.

Pas përfundimit të analizave të brendshme dhe sqarimeve të nevojshme, do të kërkoj përgjegjësi, duke mos përjashtuar asnjë masë që parashihet me legjislacionin në fuqi për ndërmarrjet publike.

Fjalë Kryesore:

Të ngjashme