Ministri i Tregtisë dhe Industrisë, Vesel Krasniqi me rastin e Ditës Botërore të Akreditimit ka vizituar Agjencinë e Ushqimit dhe Veterinarisë (AUV) ku u prit nga kryeshefi i AUV-it, raporton Ekonomia Online.
Krasniqi tha se si ministër është i përkushtuar që t’i ofroj mbështetje kësaj agjencie në shërbim të mirëqenies dhe shëndetit të qytetarëve.
“Vendi ynë ka arritur të ketë shumë laborator, në këtë formë ne jemi pjesë e shumë organizatave me të cilat është kërkuar dhe kemi përmbushur standardet e MSA-së”.
“Unë si ministër do të kem fokus të veçantë, në të ardhmen do të jemi në shërbimin e juaj do të jemi në shërbim të qytetarëve”.
Kryeshefi ekzekutiv i AUV-it Valdet Gjinovci, tha se koordinimi institucional është në nivelin e duhur dhe se fokus i tyre është rritja e kapaciteteve laboratorike dhe trajnimi i stafit, raporton EO.
“Përmirësimi dhe rritja e sigurisë ushqimore është e lidhur ngushtë me ngritjen e laboratorëve, pjesë e kësaj është që laboratorët të jenë të akredituara”.
“Fal mbështetjes se donatorëve është mundësuar rritja e kapaciteteve laboratorike dhe trajnimi i stafit”, tha ai.