Në një sallon bukurie në Prishtinë, janë kapur pesë aparate të lojërave të fatit të cilët akne qenë të pa licensuar.

Kështu bëjnë të ditur zyrtarë të Doganës së Kosovës.

“Njësitet e Doganës mbrëmë kanë ushtruar kontroll në një lokal në Prishtinë ku edhe janë kapur 5 aparate për lojëra fatit të pa-licencuar. Njësitet e Doganës i janë përgjigjur thirrjes nga një qytetar që ka lajmëruar se në këtë lokacion ka aktivitet të dyshimtë që ndërlidhte me lojëra fati. Lokacioni i dyshuar mbante mbishkrimin “STUDIO BUKURIE” ku pas kontrollit të ushtruar nga ana e oficerëve doganor janë gjetur 5 aparateve për lojëra të fati të pa licencuar, respektivisht ilegale”, thuhet në njoftimin e Doganës.

Të gjitha aparatet janë sekuestruar dhe ndaj personit përgjegjës është iniciuar procedura kundërvajtësve.

Menaxhmenti i Doganës së Kosovës është i vendosur në luftimin dhe hetimin e të gjitha rasteve të kontrabandës, korrupsionit dhe dukurive të tjera negative, prandaj edhe kërkojmë nga qytetarët që të thërrasin pasi duke ndihmuar doganën ndihmojnë në zhvillimin e vendit dhe krijimin e një të ardhme më të sigurt. Numrat për thirrje janë 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në [email protected]