Rukiqi diskuton informalitetin me përfaqësues të bizneseve

Prishtinë | 14 Sht 2018 | 10:25 | Nga

Kryetari i Odës Ekonomike të Kosovës,  Berat Rukiqi me bashkëpunëtor ishte për vizitë në kompanitë “Ciao Berto”, “Binni”, “Emona”, “Albed” dhe së fundmi u takua edhe me kryetarin e komunës së Vushtrrisë   Xhafer Tahiri.

Gjatë kësaj vizite, kryetari Rukiqi u shpreh i kënaqur me potencialin e sektorit privat dhe njëkohësisht u bisedua për barrierat kryesore me të cilat ballafaqohen kompanitë në Kosovë. Disa nga problemet që u potencuan më së shumti janë problemi i furnizimit me energjinë elektrike, përqindja e lartë e informalitetit dhe mungesa e fuqisë punëtore të kualifikuar.

Rukiqi theksoi se Oda Ekonomike e Kosovës është gjithmonë e gatshme në përkrahje të prodhueseve  vendor për lehtësimin e këtyre problemeve dhe krijimin e mundësive të reja për shtrirjen e  eksportit të bizneseve kosovare në tregjet ndërkombëtare.

Po ashtu gjatë vizitave Rukiqi shtoi se sektori privat paraqet rolin kryesor në rritjen e  punësimit dhe përmirësimin e imazhit të Kosovës.

 

 

Të ngjashme