Me qëllim të diskutimit mbi ndikimet që ekonomia joformale ka në ekonominë e Kosovës dhe konkurrueshmërinë e sektorit privat, si dhe diskutimin mbi mënyrat se si duhet të adresohet ky problem, Oda Ekonomike Amerikane organizon tryezën me temën “Adresimi i Ekonomisë Joformale”.

Në tryezë do të marrin pjesë panelistë që drejtpërdrejtë janë të përfshirë në luftën ndaj këtij fenomeni në baza ditore.

Ekonomia joformale, apo evazioni fiskal është një ndër sfidat më të mëdha të vendit.

Ndonëse shkalla e informalitetit është vështirë të matet, sipas vlerësimeve ajo sillet prej 35 deri në 40 për qind të Prodhimit të Brendshëm Bruto.