Si po bëhet lehtësimi i masave ndaj COVID-19 në Evropë?

A passenger checks flight information on a board in the departures hall at Madrid Barajas airport, operated by Aena SA, in Madrid, Spain, on Thursday, Dec. 24, 2020. The coronavirus pandemic left fleets of planes grounded and caused air passenger traffic to slump as much as 94%. Photographer: Paul Hanna/Bloomberg via Getty Images
Prishtinë | 10 Qer 2021 | 08:24 | Nga Ekonomia Online

Ritmi i fushatës së vaksinimit të banorëve të Evropës me vaksinën kundër COVID-19 është rritur dhe kjo ka bërë që në shumë vende numri i rasteve të reja të bie.

Bllokimet gradualisht po lehtësohen ndërsa sezoni turistik i verës po fillon, shkruan BBC.

27 vendet anëtare të Bashkimit Evropian po synojnë të kenë një certifikatë digjitale të vaksinimit për udhëtime deri në korrik. Nga 30 qershori, sipas planit aktual kufizimet dhe ora e policore do të përfundojnë.

Në Gjermani që nga nëntori masat janë duke u lehtësuar derisa kufizimet mbeten më të forta në zonat me shkallë të lartë të infeksionit.

Tarracat dhe restorantet në natyrë, muzetë dhe koncertet në ambiente të hapura janë të lejuara poashtu janë hapur restorante brenda në zona ku shkalla e infeksionit është nën 50 infeksione të reja për 100 mijë banorë.

Fëmijët gjermanë të grupmoshës 12-15 tani mund të vaksinohen me vaksinën Pfizer/BioNTech.

Në Itali gjithashtu restorantet dhe baret janë të hapura për shërbimin e brendshëm (maksimumi katër persona, përveç nëse janë nga e njëjta familje) teksa vendet sportive janë hapur deri në 25 përqind të kapacitetit.

Danimarka, Greqia, Spanja, Belgjika, Portugalia e Suedia janë disa nga vendet të cilat e kanë kaluar rrezikun e lartë nga COVID-19, teksa tani janë duke lehtësuar gradualisht masat që kanë në fuqi.

Të ngjashme