Edi Rama arrin në Beograd, në aeroport e pret Ivica Daçiq!

Prishtinë | 12 Tet 2016 | 21:34 | Nga

Kryeministri i Shqipërisë, Edi Rama sonte ka arritur në Beograd, kurse në aeroport është pritur nga shefi i diplomacisë serbe, Ivica Daçiq, raportojnë mediat serbe.

Rama të enjten do të ketë takim bilateral me kryeministrin e Serbisë, Aleksandar Vuçiq, kurse të dy kryeministrat do të marrin pjesë në Forumin beogradas të Sigurisë.

Ngjarja qendrore e forumit do të jetë dialogut për marrëdhëniet e ardhshme shqiptaro-serbe dhe stabiliteti i Evropës Juglindore.

Në kuadër të formut do të jenë 25 shqyrtime nga më shumë se 100 panelistë dhe 700 pjesëmarrës, përfaqësues të qeverive, organizatave ndërkombëtare dhe shoqërisë civile.

Kjo vizitë e Ramës në Beograd është kundërshtuar ashpër në Kosovë dhe atij i është bërë me dije se nuk mund të flas në emër të Kosovës me kryeministrin serb.

Kjo është vizita e dytë e Ramës brenda pak kohës në Beograd.

Fjalë Kryesore:

Të ngjashme