Shkon në 4 milion numri i viktimave nga COVID-19 në botë

Prishtinë | 06 Kor 2021 | 12:06 | Nga Ekonomia Online

Numër i madh i rasteve të reja të infektuara me Coronavirus e i viktimave po vazhdon të regjistrohet në botë edhe përkundër vaksinimit të një pjese të popullsisë. Numri i viktimave ka shkuar në mbi 4 milion në botë.

4 milionë e 1 mijë e 769 persona kanë vdekur deri tani si pasojë e COVID-19.

Kështu bëhet e ditur nga faqja botërore e statistikave, worldometers.info.

184 milionë e 971 mijë e 166 persona janë infektuar deri tani me këtë virus sipas kësaj faqeje.

Ndërsa, 169 milionë e 342 mijë e 738 persona janë shëruar nga ky virus.

Amerika prin me numrin më të madh të të infektuarve me gjithsej 34 milionë e 598 mijë e 361 raste dhe 621 mijë e 335 viktima.

Pastaj India me 30 milionë e 619 mijë e 932 raste të infektuara dhe 403 mijë e 310 viktima.

I treti në botë radhitet Brazili me 18 milionë e 792 mijë e 511 raste të infektuara dhe 525 mijë e 229 viktima.

Të ngjashme