Të dyshuar për koronavirus në Shqipëri, çfarë zbuluan analizat për katër persona

Prishtinë | 06 Shk 2020 | 17:17 | Nga Ekonomia Online

Katër persona të kthyer nga Kina pak ditë më parë në Shqipëri përmes Aeroportit “Nënë Tereza” dyshonin se mund të ishin prekur nga koronavirusi dhe kanë kërkuar ndihmën e mjekëve në Tiranë.

Testet e kryera në Institutin e Shëndetit Publik kanë dalë negative ndaj virusit kinez.

Dy persona kanë rezultuar me grip të thjeshtë ndërsa dy të tjerët të shëndetshëm, raporton abcnews.

Ndërkohë Ministria e Shëndetësisë deklaron se rreziku për depertimin e koronavirusit në Shqipëri vazhdon të mbetet i ulët megjithëkëtë në vend po forcohen masat paraprake.

Në çdo pikë kufitare është ngritur dhoma e posaçme për monitorimin e rasteve të dyshura ndërsa në Spitalin Infektiv në QSUT dhomat e izolimit janë pajisur me aparaturat respiratore të monitorimit dhe sistemin e gazrave mjeksor.

Trajnimet e strukturave shëndetësore sipas ministrisë po vijojnë ndërkohë që është menduar dhe organizmi i karantinës në rast nevoje.

Të ngjashme