Mark Zuckerberg dhe gruaja e tij Priscilla Chang kanë mirëpritur fëmijën e tyre të dytë, një vajzë me emrin August. CEO dhe themeluesi i Facebook mori dy muaj leje lindje.

Nëse Zuckerberg është i i gatshëm të heqë dorë nga puna për një kohë të shkurtër, shumë nga gjigandët e tjerë modernë të sipërmarrjes kanë një qëndrim tjetër kur bëhet fjalë për bilancin mes punës dhe jetës. COO-ja e tij në Facebook, Sheryl Sandberg, mendon se koncepti nuk ekziston dhe të shumtë janë ata që e mbështesin.

“Ka njerëz që flasin për balancën midis punës dhe jetës, unë mendoj që këtu ka një gabim,” thotë Steve Blank, sipërmarrësi në Silicon Valley. “Unë mendoj se nëse do të investoni për familjen tuaj, nuk mund të kërkoni një balancë. Investimi juaj duhet të jetë në familje.”

Ja çfarë mendojnë disa ikona të tjera të sipërmarrjes për këtë temë:

Elon Musk

Musk nuk është sipërmarrësi më i pasur, po është një ndër më interesantët, jeta e të cilit ndahet mes Tesla, Space X, Boring Company dhe PayPal.

Ai është martuar dhe divorcuar tre herë dhe sot është babai i pesë fëmijëve, dy binjakë dhe tre trenjak.

Gjatë një eventi në vitin 2013 Elon Musk shpjegoi sesi arrin të ruaj një balancë midis jetës dhe punës, duke punuar edhe kur është është me fëmijët: “Ata nuk të bezdisin gjithë kohën, vetëm në rastet kur të drejtohen për të folur,” tha Musk.

Steve Jobs

Jobs asnjehërë nuk ka folur për balancën jetë-punë. Por bashkëthemeluesi i Apple, vizioni i të cilit rezultoi në zhvillimin e telefonit prej të cilit ndoshta po e lexoni këtë artikull, pranoi se ai kishte edhe impenjime të tjera.

Një nga thëniet më të cituara të Jobs është: “Koha jote është e limituar, mos shpenzo atë duke jetuar jetën e dikujt tjetër,” por ai kishte një balancë të tmershme mes jetës dhe punës, deri në pikën ku mohoi atësinë e vajzës së tij edhe pse kompjuerit i vurin emrin e saj.

Richard Branson

Richard Branson përpiqet të promovojë rëndësinë e balancës punë-familje.

Sipërmarrësi 67 vjeçar më i sukesshëm ka qenë i martuar për 30 vite e rradhë me bashkëshorten e tij Joan Templeman. Ata humbën një vajzë në vitin 1979 e cila ishtë vetëm 4 ditëshe, por sot kanë një djalë dhe një vajzë.

“Pa familjen time, unë nuk do të isha ky që jam sot,” shkroi ai vitin e kaluar në një artikull me titull, Rëndësia e Ekuilibrit Punë-Jetë. “Kur isha i ri dhe nisa biznesin tim, prindërit e mi më motivuan dhe më mbështetën në rrugën time të sipërmarrjes. Jam munduar t’i përkrah fëmijët e mi dhe koha me ta dhe bashkëshorten time Joan, është një priotitet në listën e gjërave që bëj çdo ditë.”

Sara Blakely, themeluese e Spanx

“Unë i dhashë prioritet punës me kohë të plotë si nënë ndaj një punë tjetër me kohë të plotë në Spanx dhe pastaj pyeta veten pse unë kam qenë e rraskapitur. Unë kam filluar të vërej ndryshime në shëndetin tim. Kjo ju ndodh me shumë grave. Ne thjesht supozojmë se do ta kuptojmë. Nuk ka asnjë manual dhe asnjë mënyrë për t’u përgatitur me të vërtetë. Unë jam ende në punë e sipër”.

Zig Ziglar

“Unë mendoj se të jesh i suksesshëm do të thotë të kesh një balancë midis suksesve në fusha të ndryshme të jetës tënde. Ti nuk mund të quhesh i sukesshëm në biznes nesë jeta jote familjare është e paqëndrueshme.”

Gary W. Keller, themelues i Keller Williams Realty International

“Puna është një top llastiku. Nesë e hedh diku tej, ai kthehet sërisht. Katër topat e tjerë: familja, shëndeti, miqtë dhe personaliteti, janë prej qelqi. Nesë lëshoni ndonjërin prej tyre, ai do të gërvishtet, plasaritet apo edhe thyhet.”

Jack Welch

“Balanca punë-jetë nuk ekziston. Janë disa zgjedhje midis punës dhe jetës që ju i bëni dhe ato sjellin pasojat.”

Ev Williams

“Dështimi në punë nuk është dështim në jetë. Dështimi në marrdhëniet e tua është vërtet dështim.”