Kur shefi jua bën “follow” në Instagram

Prishtinë | 16 Gus 2023 | 00:01 | Nga Ekonomia Online

Ju po kaloni një ditë të bukur. Uleni në tryezën tuaj të punës, me telefonin përpara me baterinë plot dhe diçka të freskët për të shijuar dhe befas vjen një njoftim: “shefi juaj kërkon t’ju bëjë ‘follow’ në Instagram”.

Në varësi të marrëdhënies që keni me të, në mendjen tuaj mund të vijnë një sërë pyetjesh dhe dilemash.

  • A është vërtet shefi im?
  • Mos është dikush tjetër me të njëjtin emër
  • Ky sigurisht është shefi im.
  • Përse kërkon të më ndjekë në Instagram? Me siguri, kërkon të dijë më shumë për jetën time personale.
  • Mendon se mund të jemi miq?

Si një menxhere e rrjeteve sociale, dy pyetjet më të shpeshta që më bëjnë janë:

  1. A është normale të ndjek shefin tim në Instagram?
  2. A duhet ta pranoj kërkesën e miqësisë në Facebook apo Instagram të shefit tim?

Fatkeqësisht përgjigjja nuk është e prerë. Nëse vendosni të jeni ose jo miq në internet me shefin tuaj, kjo varet tërësisht nga mënyra se si i përdorni rrjetet sociale, nga marrëdhënia që keni me shefin tuaj si dhe nga sjellja juaj.

Pra secili nga ju, kur shikon një njoftim të tillë në telefonin e tij, në mendje i vijnë një sërë pyetjesh dhe dilemash, nëse duhet ta pranojë këtë ftesë miqësie.

Ja disa pyetje që duhet t’i bëni vetes përpara se të pranoni ose të refuzoni një “miqësi dixhitale” të shefit tuaj.

A e përdorni Instagram për të ndarë suksesin në karrierën tuaj, apo është më shumë një rrjet familjar dhe për miqtë?

A jeni ju një person i rezervuar dhe kjo ka shtyrë kuriozitetin e shefit tuaj për të ditur më shumë detaje nga jeta juaj personale?

Nëse është kështu, shpjegojini shefit me delikatesë se faqja juaj është e rezervuar për familjen dhe miqtë. Përpiquni që ai të kuptojë arsyen se pse ju e keni refuzuar kërkesën për t’u bërë miq në rrjetet sociale.

A jeni ai personi që shkruani çdo gjë në rrjetet tuaja sociale, si p.sh. edhe kur jeni në trafik ju bëni një status për këtë?

Apo i përdorni rrjetet sociale si një burim informacioni?

Nëse po, është më mirë që të mos e bëni më një gjë të tillë. Me siguri do të ketë shumë gjëra, të cilat do të ishte mirë që shefi juaj të mos i shihte. Mbani mend këtë gjë: 92% e njerëzve përdorin rrjetet sociale kur marrin vendime për punësim, kështu që pastrojeni faqen tuaj dhe mbajeni personale para se kjo të ndikojë në punën tuaj.

A do të ndikojë aktiviteti juaj në punë dhe në përmirësimin e situatës tuaj?

Le t’i shikojmë gjërat në mënyrë paksa më të detajuar. Të pasurit e një faqe dinamike në rrjetet sociale, është një përfitim i madh për shumë kompani. Kjo mund të tregojë që jeni në gjendje të krijoni story të bukura, përmbajtje interesante dhe ajo çfarë është më e rëndësishme, të krijoni një komunitet. Nëse punoni në këtë fushë këto janë cilësi të çmuara. T’i tregoni shefit tuaj që keni një profil të mirë me një numër të madh ndjekësish, mund të ketë avantazhe të mëdha.

A duhet ta ndryshoni aktivitetin online tani që shefi ju ndjek në rrjetet sociale?

Me siguri, shefi ju ndjek për të njëjtën arsye që ju ndjekin dhe shumë të tjerë. Atij ndoshta i pëlqen ajo çfarë publikoni dhe dëshiron të dijë më shumë rreth jush.

(Natalie Zfat/ Forbes)

Fjalë Kryesore:

Të ngjashme