“Sekreti” është projekti i fundit që këngëtarja e mirënjohur, Argjentina Ramosaj ka publikuar në fillim të muajit korrik.
Kënga e cila është në bashkëpunim me Dj Geek është pritur mjaft mirë nga publiku dhe deri tani numëron mbi 2 milionë klikime në Youtube.
Argjentina tregohet mjaft aktive në rrjetet social, ku ndan me fansat e saj fotografi të ndryshme nga puna dhe përditshmëria e saj.
Një fotografi të bukur familjare, këngëtarja e ka publikuar sot në Instagram, duke treguar kështu se pushimet për të kanë nisur. Ajo ka zgjedhur Shqipërinë, konkretisht plazhin e Dhërmisë për të pushuar me partnerin e saj dhe djalin e tyre.