Ajo është njëra nga artistet shqiptare që ka korrë suksese të mëdha në tregun ndërkombëtar muzikor viteve të fundit.

Fjala është për Ava Max, e cila tashmë po shënon një karrierë mjaft të mirë me projektet e njëpasnjëshme që po sjell.

Pas albumit debutues që e solli në muajin shtator, biondja ka njoftuar fansat se nesër publikon një tjetër këngë të re.

Përmes një postimi të ndarë në Instagram, Amanda Koci (emri i vërtetë) thekson se “My Head And My Heart” lansohet ditën e nesërme (e enjte).

“Kam pritur momentin e duhur që të ndaj këtë këngë me ju. Shumë e emocionuar të ju njoftoj se My Head And My Heart publikohet të enjten. Mezi po pres që ju ta dëgjoni atë”, ka shkruar ajo.

Kënga mezi po pritet edhe nga fansat e krijueses së “Sweet But Psycho”, të cilët reaguan me komente të ndryshme pranë postimit.

Theksojmë që albumi i Ava Max u rendit si albumi i tretë më i dëgjuar i një artisteje femër sivjet në platformën Spotify, duke shënuar një tjetër sukses të shqiptares.