Ben Affleck e largon nga Jennifer Lopez fansin që deshi t’i afrohej

Prishtinë | 12 Sht 2021 | 12:31 | Nga Ekonomia Online

Aktori Ben Affleck dhe këngëtarja Jennifer Lopez , pas një mbrëmje plot ngjarje në Festivalin e Filmit në Venecia, u larguan nga qyteti të shtunën.

Sidoqoftë, kur mbërritën në aeroportin e Venecias, ata patën një takim të pakëndshëm me një fans.

Videot e xhiruara në aeroport tregojnë një burrë me një këmishë dhe pantallona të shkurtra, duke nxituar para sigurimit për ta fotografuar yllin e “Hustlers”.

E tronditur nga befasia, Jennifer u tërhoq mënjanë dhe u fsheh pas Benit, i cili reagoi shpejt dhe e largoi burrin. Ben kishte veshur një këmishë të errët dhe xhinse blu, ndërsa Jennifer një fustan të bardhë me pika dhe taka të zeza.

Pasi e largoi burrin, Ben u shfaq për dore me aktoren amerikane dhe ata u larguan për të kapur fluturimin e tyre.

Ngjarja e tyre e fundit në tapetin e kuq ishte në shkurt të vitit 2003 në premierën e filmit “Daredevil”. Ata ishin fejuar në atë kohë.

Sidoqoftë, të njëjtit u ndanë në 2004.

Pas kësaj, Ben u martua me aktoren Jennifer Garner, me të cilën ka tre fëmijë. Ata u divorcuan në 2017.

Ndërkohë, J.Lo u martua me Marc Anthony, me të cilin ka dy fëmijë.

Të ngjashme