Cana e kushtëzoi Monikën me ruajtjen e gjuhës shqipe në familje

Prishtinë | 13 Tet 2018 | 12:49 | Nga Ekonomia Online

Lorik Cana duket se ka pasur një kusht mjaft të madh për bashkëshorten e tij Monikën. I ftuar pasditen e së premtes në emisionin e TV Klan tek “Rudina”, ish-kapiteni i Kombëtares shqiptare Lorik Cana, një futbollist shumë i dashur për publikun, rrëfeu gjëra të pathëna deri më tani rreth jetës së tij private.

Gjatë emisionit, Lorik foli edhe për bashkëshorten e tij italiane Monika me të cilën ka 4 vite i martuar.

FUtbollisti tregoi se Monikës i kishte vënë kusht për gjuhën shqipe para martesës.

“Ishte kusht paramartesor që djali absolutisht nuk duhet ta thyejë zinxhirin e traditës, të gjuhës sepse ne që kemi qenë në emigracion, gjenerata e parë e mban, por gjenerata e dytë thuajse e ka humbur gjuhën”.

“Kur martohesh, martohesh për dashuri dhe për partnerin e duhur, por ka vështirësitë e veta sidomos nga pikëpamja e gjuhës, por kjo nuk duhet të jetë një argument për mos me bërë më të mirën”, u shpreh Lorik Cana.

Një kusht i tillë i Canës nuk është i befasishëm, pasi ai gjithmonë ishte lojtar i lidhur me kombëtaren dhe promovoi vlerat kombëtare.

Fjalë Kryesore:

Të ngjashme