Channing Tatum po e përballon keq ndarjen nga e dashura

Prishtinë | 24 Pri 2018 | 14:51 | Nga

Channing Tatum është duke e përjetuar rëndë ndarjen nga e dashura e tij, Jenna Dewan.

Një burim pranë tij ka thënë se aktori e ka pasur shumë të vështirë këtë moment në jetën e tij.

Në ndërkohë, një burim i dytë ka thënë për Dewan se “po mbështetet tek miqtë e saj për të përballuar ndarjen”.

“Jenna ka një agjendë shumë të ngjeshur. Jeta e saj nuk ka ndryshuar shumë, ajo është shumë e ngarkuar me punë”, ka thënë ky burim, transmeton Klan Kosova.

Dewan dhe Tatum së fundmi janë parë pa unazat e martesës, ndonëse ndarjen e bënë publike më 2 prill.

Disa ditë pasi ata bënë publike ndarjen e tyre, Dewan u kthye në xhirimet e showut të saj televiziv, Mixtape.

Vikendin e kaluar, Tatum është parë në Honda Indy Grand Prix, që edhe ishte dalja e tyre e parë publike qysh prej kur ishin ndarë.

Në ndërkohë, Dewan, ka nisur të kthehet në rrjetet sociale, duke larguar kështu edhe mbiemrin e dytë.

Javën e kaluar, ajo kishte bërë edhe një “update” në llogarinë e saj në Instagram, duke postuar për herë të parë pas ndarjes.

“Falemnderit për gjithë mbështetjen. Dashuri edhe për ju”, kishte thënë ajo në një fotografi ku shihej në plazh, e veshur me fustan të bardhë.

Fjalë Kryesore:

Të ngjashme