Chris Brown mohon akuzat për përdhunim, lirohet nga policia franceze

Prishtinë | 23 Jan 2019 | 09:03 | Nga Ekonomia Online

Ylli botëror i muzikës RnB, Chris Brown, është liruar nga të gjitha akuzat nga policia franceze.

Ishte policia në Paris ajo që arrestoi këngëtarin e njohur amerikan pasi një femër akuzoi atë për përdhunim.

Brown ishte mbajtur në arrest, por ishte kthyer në rrjetet sociale me t’u liruar nga policia franceze dhe të gjitha akuzat ndaj tij.

“Dua ta bëj të qartë në formë të përkryer. Kjo është një gënjeshtër dhe një bërllok shumë i madh. Kurrë. Për vajzën time, për familjen time kjo është kaq mos respektuese dhe është kundër moralit e karakterit tim”, ka shkruar Chris në rrjetet sociale pas lirimit.

Sipas revistës The Blast, Brown ishte në Mandarin Oriental Hotel në natën kur thuhet të ketë ndodhur ngjarja, por nuk ishte në dhomën ku ka ndodhur ky incident.

Miq nga skena i kanë dalë në përkrahje menjëherë këngëtarit, siç është për shembull reperi T.I.

Chris Broën është gjykuar shumë nga publiku që prej lidhjes së tij me Rihannan, ku edhe bëri bujë zënka e tyre. Riri mbeti e dhunuar fizikisht nga këngëtari dhe imazhet bënë bujë në të gjitha mediat, gjest për të cilin Chris më vonë kërkoi falje dhe pranoi të jetë penduar.



Fjalë Kryesore:

Të ngjashme