Këngëtari legjendar David Bowie u shpall ikona më e madhe në botën e argëtimit në shekullin e XX-të.

E gjithë kjo pasi mori më së shumti vota në sondazh të bërë nga BBC duke lënë pas ikona të tjera, si Charlie Chaplin, Merilin Monroe dhe Billy Holyday.

David Bowie (Photo by Alex Livesey/Getty Images)

Qëllimi i votës ishte që audienca të zgjidhte “yllin më të madh të shekullit të XX-të” edhe në katër kategori të tjera si, sport, shkencë, aktivizëm dhe art.

Kur është fjala për kategori të tjera, Alan Turing fitoi në kategorinë “Shkencëtarët”, Ernest Shaqlton në kategorinë “Hulumtuesit” dhe Nelson Mandela në kategorinë “Liderët”.

Fituesit e kategorisë Aktivistët, Sport, si dhe artistët dhe shkrimtarët ende nuk janë zgjedhur pasi që po vazhdon sondazhi.Lexo po ashtu:

Pas vrasjes së John Lennon, David Bowie frikësohej se do ta vrisnin edhe atë

Publiku do të zgjedhë ikonën më të madhe të shekullit të XX-të deri më 5 shkurt, kur do të shpallen të gjithë fituesit në të gjithë kategoritë e ndryshëm.

Por, disa prej fansave kanë kritikuar televizionin publik britanik pasi që në kategorinë “Argëtues” nuk i kanë përfshirë Beatles dhe Elvis Presleyn.

Ndryshe, David Bowie vdiq në janar të vitit 2016 në moshë 69 vjeçare, si pasojë e kancerit të mëlçisë.