Dua Lipa: Këngën time të parë si fëmijë e shkrova për nënën kur isha katër vjeçe dhe ishte në shqip

Prishtinë | 19 Dhj 2020 | 14:47 | Nga Ekonomia Online

Këngëtarja shqiptare me famë botërore, Dua Lipa, ka qenë e ftuar së fundmi në një rubrikë shumë interesante për “Wired”.

Ajo iu është përgjigjur pyetjeve më të shpeshta që fansat e saj parashtrojnë në Google për të.

Dhe njëra ndër pyetjet e cila është parashturar shpesh në Google për të, ishte se “cila ka qenë kënga e saj e parë”.

Dua tregoi se kënga e saj e parë titullohet “New Love” dhe është publikuar në vitin 2015, kur ajo nisi karrierën e saj muzikore.

Me shaka ajo kujtoi se si kënga e parë në fëmijërinë e hershme që ajo ka krijuar vet, ka qenë një këngë për nënën e saj, Anesën.

“Kur isha katër vjeçe e shkrova një këngë për nënën, ishte në shqip dhe si një shaka”, ka thënë Dua.

Artistja shprehet se e gjithë kënga kishte për teksti inspirimin e saj, që një ditë të bëhet sikur e ëma.

“Kur të rritem a mund ta vesh fustanin tënd, kur të rritem a mund të t’i mbath këpucët e tua”, kujton Dua tekstin e krijuar në atë kohë.

Dua përndryshe është autore e shumë këngëve të saj, por jo edhe e këngës më të njohur të saj që I dha famën internacionale, “New Rules”.

Të ngjashme