Këngëtari i njohur shqiptar, Enis Bytyqi, ka prezantuar së fundmi projektin e ri muzikor.

“Andere Wege” mban titullin kënga e tij e parë në gjuhën gjermane, të cilën fillimisht e ka publikuar në Spotify e më pas edhe në YouTube.

Kënga vjen e kompletuar edhe nga ana vizuale, ndërkohë që artisti nga Ferizaj edhe këtë herë i qëndron besnik stilit të tij muzikor.

Për projektin është përkujdesur producenti i njohur Rzon, kurse videoja i është besuar Martin Flindt.

Këngëtari befason me paraqitjen skenike e po ashtu edhe me stilin e tij të veçantë.

Enisi përndryshe prej vitesh jeton dhe vepron në Gjermani, madje tanimë ka zhvendosur të gjitha aktivitetet muzikore atje.

I njëjti po vazhdon të jetë shumë i angazhuar me prurje muzikore, që priten gjithnjë mirë nga publiku .