Getinjo rrëfen dramën e adoleshencës: Ish-e dashura abortoi fëmijën dhe u largua jashtë vendit me familjen

Prishtinë | 22 Maj 2021 | 15:07 | Nga Ekonomia Online

Reperi i njohur shqiptar, Getinjo, ka qenë i ftuar së fundmi në një nga kronikat e emisionit “Prive”.

Ai ka rrëfyer për pesë datat më të rëndësishme në karrierën e tij, ku ndër to ka cekur edhe datën e vitit 2011 kur kishte publikuar këngën “Ajo”.

Reperi nga Ferizaj ka treguar se kjo këngë është e bazuar në një ngjarje e vërtetë, dhe i dedikohet një vajze me të cilën ai dikur ka qenë në lidhje.

Madje Getinjo thotë se pas ndarjes, vajza në fjalë ishte shpërngulur me gjithë familjen e saj jashtë vendit dhe se kishte bërë edhe një abort.

“Është e bazuar në histori të vërtetë. Vetëm shokët e mi të ngushtë e dinë dhe bëjnë shaka shpesh me mua dhe më thonë imagjino të vijë një fëmijë të thotë ti je babai im. Atë vajzën nuk e kam parë më kurrë, ka ikur jashtë vendit me gjithë familjen. Ajo e ka abortuar fëmijën nga informacionet që kam. Këtë këngë e kam bërë vetëm për t’ia çuar asaj jo për ta publikuar. Kënga doli pa pëlqimin tim nga studio ku e kisha regjistruar”, rrëfeu Getinjo.

Ai tutje shtoi se kënga ishte publikuar pa dëshirën e tij, pasi këngën e kishte realizuar vetëm për t’ia dërguar asaj, por studioja ku ai e incizoi këtë këngë e publikoi pa aprovimin e tij.

Duke parë që “Ajo” u shpërnda me të madhe, reperi ferizajas vendosi që t’ia realizojë edhe klipin në Maqedoni, duke rezultuar kështu në një projekt mjaft të pëlqyer nga publiku, me të cilin shënoi edhe debutimin e tij shumë të suksesshëm në atë kohë. 

Të ngjashme