Jennifer Lopez paditet 150 mijë dollarë për shkelje të së drejtës së autorit

Prishtinë | 22 Pri 2020 | 10:02 | Nga Ekonomia Online

Bota mund të jetë pasive në shtëpi këtë kohë, por me sa duket paditë e personave të famshëm nuk po pushojnë.

Sipas E! News, Jennifer Lopez është duke u paditur për postimin e një fotografie në Instagram pa lejen e fotografit, dhe kjo tingëllon si e çrregullt.

Sipas dokumenteve gjyqësore, fotografi i New York-ut, Steve Sands ka akuzuar yllin e “Hustlers” dhe kompaninë e saj të prodhimit Nuyorican Productions për shkelje të drejtave të autorit.

Procedura thotë që 50-vjeçarja përdori një fotografi të marrë nga Sands për të ‘promovuar’ markën e saj në Instagram, ku ajo numëron mbi 119 milionë ndjekës.

Në padi, thuhet se Lopez e bëri këtë pa leje për të ndarë imazhin në platformën e saj në median sociale dhe pa kompensim për fotografin.

Fotografia në fjalë është një foto e artistes amerikane, e shkrepur nga Sands, e cila prej asaj kohe ka marrë mbi 656,000 pëlqime.

Ajo ishte publikuar për herë të parë në llogarinë e saj në Instagram në 22 qershor 2017.

Sipas dokumenteve të gjykatës, fotografi ka ‘të drejtë në dëme ligjore’ deri në 150,000 dollarë për ‘punë të shkelur’.

Kjo nuk është hera e parë që Jennifer paditet për postime të tilla, pasi në tetor të vitit të kaluar dikush tjetër kërkoi 150,000 dollarë shpërblim prej saj. 

Të ngjashme