Moderatorja shqiptare shkoi në Itali për të lindur binjakë, pasi i plasën ujërat

Prishtinë | 14 Sht 2019 | 14:00 | Nga Ekonomia Online

Folësja e Tv Klan, Anjola Hamzaj ishte e ftuara e Rudinës dje, ku foli për historinë e pazakontë të lindjes së binjakëve të saj, Emma dhe Luis. Për fat të keq, foshnjet lindën në muajin e shtatë, për fat të mirë, janë shëndoshë.

Ditën që lindi, Anjola s’ndihej mirë dhe la një takim te mjeku. Rrugës për në klinikë, ndjeu që i plasën ujërat dhe menjëherë vendosi të udhëtojë drejt Italisë sepse ndjente një lindje të vështirë.

“Nga plasja e ujërave, thonë që ke 48 orë kohë, por lindja mund të ndodhë dhe brenda gjysmë ore. Mora guximin. U përpoqa të qëndroja ulur. Në aeroport e mbajta të fshehtë gjendjen time, se ndryshe s’do të më kishin lejuar. Në mesnatë, solla në jetë fëmijët me operacion cezarian. Ishin shumë të vegjël,” tregon ajo.

Anjola e konsideron veten dhe fëmijët me fat se fare mirë mund të kishte lindur edhe në avion.

Për tre muajt në vijim, ajo mund t’i shihte fëmijët në inkubator vetëm dy her në ditë. “Nuk e pata të lehtë se dola nga spitali pa ata. Në një dhomë hoteli, pa fëmijët, pa barkun, kisha një ndjesi boshllëku,” tha ajo.

Të ngjashme