“Një femër si ajo i duhet shtetit” – Adriana Matoshi premton mbrojtje institucionale për Miss Universe Kosova

Prishtinë | 15 Kor 2021 | 13:38 | Nga Ekonomia Online

Tuti Sejdiu, 19 vjeçarja nga Komuna e Gjilanit e cila së fundmi ka fituar titullin “Miss Universe Albania & Kosova”, pas shpalosjes se ajo në moshën 13-vjeçare është përdhunuar e trafikuar nga disa persona, ka reaguar aktorja dhe deputetja Adriana Matoshi duke theksuar se drejtësia do të vihet në vend, ndërsa ajo ka premtuar mbrojtje institucionale.

Matoshi përmes një postimi në rrjetin social Facebook, ka shpërndarë një foto me Sejdiun dhe një mbishkrim ku përshkruhet historia e saj e dhimbshme.

”Një vajzë si Tuti i duhet Kosovës. E guximshme, e fortë, e dashur dhe shumë motivuese”, thotë ajo.

Postimi i saj i plotë:

Një çikë e fortë, e cila në momentin që e fitoi titullin e më të bukurës në “Miss Univers Kosova” vendosi me e shpalosë historinë e saj te trishtë personale dhe familjare.

Qëllimi i saj nuk ishte titulli i më të bukurës, por sjellja e drejtësisë në vend!

Qysh si e mitur ajo ishte objekt i dhunës seksuale, por tani është në duar të sigurta. Duke iu falenderuar Ministrisë së Drejtësisë dhe njerëzëve të mirë që punojnë aty, drejtësia për Tutin do të arrihet.

Një vajzë si Tuti i duhet Kosovës. E guximshme, e fortë, e dashur dhe shumë motivuese. Vajzat e Kosovës do të kenë mbrojtje institucionale. Ato janë baza e një familje të shëndosh, rrjedhimisht edhe e një kombi të shëndosh. Ato do të jenë të sigurta. Ju premtoj!

Të ngjashme