Nora Istrefi është padyshim një prej këngëtareve më suksesshme dhe më të dashura për publikun.

Këngëtarja e mirënjohur edhe kohëve të fundit ka qenë mjaft e angazhuar me koncertet e mbrëmje muzikore.

Por, krahas kësaj, 35-vjeçarja nuk I ka lënë anash as postime në llogarinë e asaj zyrtare në Instagram, ku ndiqet nga më shumë se një milion persona.Sot (e premte), Nora ka sjell një fotosesion të ri, në të cilin mori vëmendjen me veshjen plot stil dhe linjat joshëse të trupit.

Këngëtarja e hitit “Anna” shihet e veshur me një trupore ngjyrë ari me shkëlqim të cilën e kombinoi me aksesor dhe taka të larta me ngjyrë të zezë.

Me një makijazh të theksuar dhe flokët e gjata të valëzuara, Nora dukej tejet joshëse dhe më në formë se asnjëherë më parë.

Të shumta ishin edhe komente dhe pëlqimet që artistja mori nga ana e ndjekësve dhe fansave të saj të shumtë.

Ndryshe, kujtojmë që Nora krahas karrierës së suksesshme është edhe një nënë e përkushtuar e një vajze, e cila erdhi si fryti I dashurisë me ish-bashkëshortin e saj, Robert Berisha, me të cilin u nda vite më parë.

Ndërsa, sa i përket projekteve muzikore, kënga e fundit e Norës është bashkëpunim me Gjikon dhe Melindën “Ay Caramba”.