Katy Perry ka një unazë të madhe, me ngjyra dhe në formë të lules, që kushton hiç më pak se 7,3 milionë dollarë.
Kjo unazë duket krejtësisht e ngjashme me unazën që i fejuari i saj ia kishte blerë supermodeles Miranda Kerr.
Fansat e të dyjave ishin shumë të shpejtë për ta vërejtur këtë ngjashmëri të unazave, pasi Perry njoftoi se ajo është fejuar me aktorin Orlando Bloom.
Ky i fundit i bëri një propozim shumë romantik këngëtares në ditën e Shën Valentinit e cila edhe u emocionua jashtëzakonisht shumë.
Një burim afër çiftit ka treguar për revistën People se Bloom ka qenë duke e planifikuar propozimin për “disa kohë” – madje ai kishte marrë edhe lejen e prindërve të Perryt para se ta bënte propozimin.
Kur ai e bëri një gjë të tillë, këngëtarja Katy Perry po dridhej nga lumturia.
Ajo e postoi më pas një fotografi të unazës së saj, ku në qendër ka një gur ngjyrë rozë katërkaratësh që rrethohet nga tetë diamantë të bardhë.
Ky dizajn me lule është i ngjashëm me unazën që Bloom ia kishte dhuruar ish-bashkëshortes së tij Miranda Kerr, po ashtu kur i kishte propozuar.
Kerr dhe Bloom janë fejuar në vitin 2010 ndërsa janë divorcuar në vitin 2013.