Artisti kosovar është vlerësuar nga juria e “Mario Merz”, një çmim i krijuar për të identifikuar e vlerësuar personalitete në fushën e artit vizual dhe atij muzikor. Halilaj, i cili kishte prezantuar Kosovën në pjesëmarrjen historike për herë të parë në Bienalen e Artit në Venecie – është përzgjedhur fitues i kategorisë së artit në edicionin e dytë “Mario Merz Prize” – i vetmi çmim ndërkombëtar për art dhe muzikë. Ai është përzgjedhur fitues nga juria dhe vota e publikut, nga lista e ngushtë me pesë artistë, përfshirë Francesco Arena, Gili Lavy, Shahryar Nashat e Suha Traboulsi. Në kategorinë e muzikës çmimin e ka marrë kompozitori amerikan Geoffrey Gordon.

“Mario Merz Prize”, organizohet çdo dy vjet nga “Fondazione Merz”.

Halilaj u lind në vitin 1986, në Kostërc të Skenderajt, dhe aktualisht punon në Berlin, Kosovë dhe Itali. Praktika artistike e tij – skulptura, instilacioni, vizatimi me stilolaps ose bojë shkrimi – është ndërtuar rreth biografisë së tij dhe kushteve të jetës