“Publiku ka vendosur”, Mozzik futet në shtëpinë e Big Brother VIP

Prishtinë | 29 Pri 2022 | 08:47 | Nga Ekonomia Online

Këngëtari i njohur Mozzik është futur ditën e djeshme brenda shtëpisë së “Big Brother VIP”, bashkë me ish-banorin, aktorin Donald Veshaj.

Kujtojmë që herën e fundit kur Mozzik-u ka qenë brenda shtëpisë, gjërat nuk shkuan shumë mirë pasi Donaldi theu rregullat dhe shoqëroi këngëtarin në ambientet e shtëpisë duke marrë kështu edhe një dënim nga “Vëllai i Madh” – a.k.a produksioni.

Kurse sot, artisti në një farë mënyre ka ‘tallur’ produksionin me anë të disa videove në “Instastory”.

Dyshja ndanë një video nga oborri i “BBV”, ndërsa Mozzik thotë: “Publiku ka vendosur…”, Donaldi shton: “Çfarë ka vendosur publiku? Mozzik dhe Donald në dhomën e rrëfimit.”

Në një video tjetër që ata postuan në “Instastory” Donaldi e pyet reperin mes të qeshurash se kë do të nominojë.

Dhe në fund në një video ku Mozzik është në dushet e “BBV”, aktori i humorit shprehet:

Meqë s’u lave dot kur erdhe ja po lahesh tani”, duke vazhduar më tej ironitë.

Në “story” Mozzik-u i ka bërë tag edhe emisionit të ri të vëllezërve Veshaj, kështu që nuk do të ishte çudi nëse ai do të ishte i ftuari i parë.

Reperi e ka suportuar gjithmonë aktorin gjatë rrugëtimit të tij në “Big Brother VIP”, madje edhe jashtë ‘reality-show’-t ata ende na tregojnë që kanë një shoqëri të mirë mes njëri-tjetrit.

Të ngjashme