Kryeministri shqiptar, Edi Rama, ka nisur pushimet dhe këtë e ka treguar ai vetë përmes një video-je të shkurtë në instastory (në Instagram) ku shfaqet buzë detit duke pirë kafe, ndërsa në filxhan shihet i stampuar simboli kombëtar.

Shoqëruesi më i mirë në kafen e mëngjesit për kryeministrin, të cilin ka dashur ta ndajë me ndjekësit e tij duket se është libri, ku lexohet një shprehje e veçuar nga David Ogilvy: “Idetë e mëdha vijnë nga e pandërgjegjshmja. Por, e pandërgjegjshmja juaj duhet të jetë informuar mirë ose ideja jote nuk do të ketë kuptim”.