Rita Ora ka fituar lejen e planifikimit për të prishur ‘shtëpinë e saj të parregulluar’ në Londër duke shkaktuar pak problematikë për fqinjët e saj të shkëlqyer – pavarësisht se u zhvendos në Los Angeles.

Ylli me prejardhje shqiptare bleu pronën me gjashtë dhoma gjumi në lagjen luksoze Primrose Hill, të ndërtuar në vitin 1882, në fillim të këtij viti për 7.5 milionë funte (8.8 milionë euro) dhe po planifikon një modernizim të gjerë, duke përfshirë një të ashtuquajtur “dhomë sigurie” me kamera të instaluara zakonisht në aeroporte, shkruan The Sun.

Ajo dëshiron të vendosë kamera sigurie të teknologjisë së lartë – sistemin Hikvision Network IR PTZ, i cili reklamohet për përdorim në zona me një gamë të gjerë ‘siç janë lumenjtë, pyjet, rrugët, hekurudhat, aeroportet, portet, sheshet, parqet, vendngjarje, stacione dhe ngjarje të mëdha’ për shkak të zmadhimit optik 25x, rrezes 100 metra dhe aftësisë për të kapur pesë fytyra në të njëjtën kohë.

Për nëntë muajt e fundit, këngëtarja e hitit “Let Me Love You” ka qenë në Los Angeles dhe tani është në lidhje me regjisorin e “Thor”, Taika Waititi.