Këngëtarja nga Shqipëria, Rozana Radi, ka kërkuar nga shteti shqiptar që ta heqë taksën rrugore të autostradës për kosovarët.

Në Instagram ajo ka postuar një fotografi nga autostrada në fjalë dhe është drejtuar me fjalët: “Ju lutem të paktën për këtë tragjedi hiqni taksën e rrugës”.

Çështja e taksës është kritikuar edhe më shumë gjatë këtyre ditëve, meqë është vlerësuar si “hap egoist” aplikimi i saj në këto ditë kur Kosova po udhëton për Shqipëri për të çuar ndihma të shumta.