Shkurte Fejza merr oferta për aderim në parti

Prishtinë | 15 Maj 2017 | 19:44 | Nga

Në prag të zgjedhjeve të reja, partitë politike në Kosovë, tashmë janë vënë në lëvizje për të inkuadruar brenda strukturave të tyre analistë politikë, gazetarë, pjesëtarë të shoqërisë civile e madje edhe këngëtarë.

Ftesa për t’i hyrë politikës ka marrë edhe këngëtarja e njohur e muzikës popullore në Kosovë, Shkurte Fejza. Madje janë disa parti kosovare që i kanë dërguar ftesë asaj për t’iu bashkuar politikës.

Partia e fundit që e ka ftuar këngëtaren Shkurte Fejza për t’iu bashkuar në rrugëtimin politik ka qenë Lëvizja Vetëvendosje.

Lajmin për ftesat partiake ndaj këngëtares e ka konfirmuar vet për Express, bashkëshorti i Shkurte Fejzës, Hajrush Behluli.

Ai ka thënë se gruaja e tij për momentin nuk ka ndonjë ambicie për të hyrë në politikë.

“Zakonisht partitë ofrojnë ftesa, thërrasin për çdo ditë. Duan ta kenë emrin e saj në parti. Çdo ditë të gjitha partitë po bëjnë ftesa për ta pasur Shkurten në subjektet e tyre”, ka thënë ai.

Fjalë Kryesore:

Të ngjashme