Tajlandezët çmenden pas “Miss Albania”

Prishtinë | 21 Dhj 2018 | 11:41 | Nga Ekonomia Online

Shqipëria dhe Tajlanda mund të mos jenë takuar ndonjëherë në histori, por “Miss Albania” sapo krijoi një lidhje të fortë gjatë “Miss Universe” që u zhvillua së fundmi në vendin aziatik.

Ndjekësit tajlandezë të Trejsi Sejdinit, 18 vjeçares nga Elbasani që përfaqësoi Shqipërinë në “Miss Universe”, e kanë përcjellë me flamuj shqiptarë dhe me postera dashamirës në aeroportin e tyre.

Ata e kanë quajtur madje “Nong Trej”, ose “Motra e Vogël Trej”. Rrjetet shoqërore në Tajlandë janë mbushur me faqe të hapura në mbështetje të vajzës që tajlandezët mendojnë se duhej të kishte fituar.

“Ajo duket si një person me karakter të fortë dhe të ëmbël njëkohësisht”, tha një nga mbështetësit më të zjarrtë të Miss Universe, Patty Suvanmanee. “Ajo thyen rregullat. Nuk ka frikë të bëjë poza seksi, dhe as nuk shtiret si ‘vajza e mirë’ që kërkojnë shfaqjet e bukurisë. Njerëzit kanë interes sepse ajo është vetvetja”.

“Ajo i trajton fansat shumë mirë, i përshëndet dhe takohet me ata. Madje u flet edhe fjalë që i ka mësuar në tajlandisht. Të gjithë e duan shumë dhe ndihen të lidhur me të”, thotë Patty.

Shumë video të Sejdinit janë bërë virale në Tajlandë, në të cilat ajo thotë në gjuhën tajlandeze “Mama, jam këtu. Jam vajzë e mirë.”

Fansat kanë krijuar një hashtag, madje, #MyDaughterIsAGoodPerson, që është shpërndarë shumë herë.

Madje ata e pritën me një surprizë të madhe në aeroportin Suvarnabhurni.

“Ajo po bëhet një sensacion në media dhe ka fituar zemrat e tailandezëve, edhe pse nuk fitoi konkursin”, shkruhet në mediat tajlandeze.

Thitipong Duangkong, një ekspert për shfaqje bukurie, tha se paraqitja madhështore që bën Sejdini në skenë tërheq sepse ajo nuk ka frikë të bëjë poza seksi e të ndihet vetetja.

“Trejsithaifanclub” është vetëm një nga faqet e hapura nga ndjekësit e saj në rrjete shoqërore.

Ndjekësit i kanë përkushtuar vizatime e piktura të shumta.

“Është shumë bukur që ajo nuk sillet si standardja ‘vajzë e mirë’ kur del në skenë, femra që kërkojnë shpesh organizatorët”, thotë Thitipong Duangkong.

 

Fjalë Kryesore:

Të ngjashme