Zbulohen foto të papublikuara të Kim Kardashianit

Prishtinë | 12 Maj 2017 | 12:31 | Nga

Kim Kardashian është martuar tri vjet më parë, në një dasmë glamuroze, por ku mediet “e paakredituara” nuk kishin qasje.

Në një set fotografik të bërë rreth 3 vjet më parë në festën e beqarisë së saj, Kim duket e mrekullueshme e veshur me një fustan të bardhë teksa pozon pranë nënës së saj Kris Jenner si edhe motrave Khloe dhe Kourtney.

Kim dhe bashkëshorti i saj, reperi i njohur Kanye West kurorëzuan dashurinë e tyre në martesë në një ceremoni të organizuar në qytetin italian Florence.

Ylli 36-vjecar ka ndarë të mërkurën disa imazhe të bukura në faqen e saj kimkardashianwest.com, gjatë festës së beqarisë në Beverly Hills.

Bukuroshja Kim Kardashian tregoi se kjo ishte një surprizë që ishte organizuar nga nëna e saj Kris Jenner dhe ajo doli të jetë e mahnitshme.

Kim dukej mahnitëse në veshjen e saj të bardhë Chanel me një rrip margaritar dhe perla në qafë.

Kim kishte shkruar duke thënë se “Tre vjet më parë, në Hotelin e Gadishullit në Beverly Hills, nëna ime dhe motrat më befasuan. Mendova se po shkoj në një takim me nënën time dhe ajo më tha të vishja të bardha. Unë mendoj se duhet të kisha ditur se diçka ishte ngritur. Kam veshur këtë fustan të bardhë. Edhe ne kishim një tortë të Kullës Eiffel’, kishte shkruar ajo në faqen e saj.

Kujtojmë se javë më parë bukuroshja Kim Kardashian ishte kritikuar aq shumë nga fansat e saj për shkak të të pasmeve të saj me plot celulit, teksa shihej në bikini gjatë pushimeve të saj.

Për fat të keq, Kim nga kjo humbi 100 mijë ndjekës në Instagram. E nuk kaloi shumë kohë, Kim i tmerroi fansat e saj me këmbët e saj të cilët i janë dukur ngjyrë portokalli.

Megjithatë Kim Kardashian pavarësisht të gjitha këtyre skandaleve ende vazhdon të jetë më e përfolura në mediet rozë.

Të ngjashme